“Shembull si barbaria e terrorizmit cenon jetët e qytetarëve”, PD dënon sulmin në Manchester

Partia Demokratike ka dënuar sulmin e rëndë shënuar së fundmi në Manchester, ku deri tani numërohen 22 të vdekur dhe mbi 50 të plagosur.

PD e cilëson si një tjetër shembull se si barbaria e terrorizmit cenon jetët e qytetarëve, një akt terrorist, të shëmtuar dhe brutal.

Në vijim të reagimit, PD shpreh mbështetjen për popullin britanik për kapërcimin e kësaj fatkeqësie.

Reagimi i Partisë Demokratike:

Partia Demokratike e Shqipërisë dënon me forcë sulmin terrorist të mbremshëm në Arenën e Mancesterit, ku gjeten vdekjen 22 njerëz të pafajshëm dhe 59 të tjerë u plagosen.

Ky akt terrorist i shëmtuar dhe brutal është një tjetër shembull se si barbaria e terrorizmit cenon jetën e qytetarëve të pafajshëm në mbarë boten.

Partia Demokratike qendron sot në krah të popullit të Britanisë së Madhe për të kapërcyer këtë fatkeqësi dhe për të luftuar edhe më ashpër ndaj terrorizmit botëror. Mendjet dhe lutjet tona janë sot me familjet e viktimave, dhe solidariteti ynë njerezor dhe politik me aleatin tonë të çmuar, Mbretërinë e Bashkuar të Britanisë së Madhe.

(XH.A/SHUPLAKA)