Dalja e menjëhershme e pushuesve nga bregdeti i Shëngjinit është shoqëruar me fluks të lartë automjetesh në rruën që lidh zonën turistike me superstradën.
Trafiku i rënduar ka nisur që prej orës 18:00 dhe vijon, duke krijuar shpesh herë dhe bllokim të qarkullimit. Fax News mëson se për të krijuar lehtësi në lëvizja, Pòlicia Rrugore e ka devijuar qarkullimin në një rrugë dytësore përmes lagjes ‘Xhenjo’, që është rehabilituar dhe asfaltuar këtë vit.
Mësohet se rruga në fjalë do të shëbejë dhe për të ‘shfryrë’ sadopak trafikun gjatë sezonit të verës. Për të orientuar drejtuesit e mjeteve si dhe për të normalizuar qarkullimin, efektivët e Pòlicisë Rrugore janë vendosur në disa pika kryesore.
Shëngjini gjatë sezonit të verës është një nga zonat më të frekuentuara nga pushuesit nga Kosova kryesisht por nuk mungojnë edhe qytetarët që kalojnë fundjavën dhe që mbërrijnë nga zona të ndryshme të vendit.
Aksi kryesor që të çon nga Lazha për në bregdetin e tij është jo më shumë se 6 km ndërsa në pikën e lëvizjeve bëhet për jo më pak se një orë, ndërkohë që ky është një shqetësim i përvjtshëm për banorët por sidomos për pushuesit.
(F.GJ/FAXWEB.AL)
Discussion about this post