Një tjetër person është gjetur i pajetë, dyshohet si pasojë e të ftohtit. I pajeti i identifikuar si Xhezair Telo 61 vjeç është gjetur i pajetë përpara banesës në lagjen nr. 4 në Sarandë.
Nga burime të policisë, mësohet se viktima nuk kishte shenja dhune apo dëmtime të tjera në trup.
Grupi hetimor ka shkuar menjëherë në vendngjarje dhe ka nisur hetimin për zbardhjen e plotë të rrethanave të vdekjes të 61-vjeçarit.
Detaje nga Policia e Sarandës:
Rreth orës 09:02, është gjetur një person i pajetë në hyrje të banesë së tij. Policia ka shkuar menjëherë në vendngjarje dhe ka konstatuar se në lagjen nr.4 Sarandë, në hyrje të banesë së tij private është gjetur i pajetë, shtetasi Zh.T., rreth 61 vjeç.
Nga veprimet e para hetimore, në trupin e viktimës nuk vërehen shenja dhune apo dëmtime të tjera, dyshohet se ky shtetas ka ndërruar jetë nga i ftohti. Grupi hetimor ndodhet në vendngjarje dhe po punon për sqarimin e rrethanave të vdekjes.
Xhezair Telo 61 vjeç është personi i dytë që ndërron jetë si pasojë e të ftohtit në qytetin e Sarandës. Endacaku Leonard Arapi ishte viktima e parë e të ftohtit në Sarandë që u gjet i pajetë paraditen e 8 janarit. (XH.A/SHUPLAKA)
Discussion about this post