Shënohet viktima e 12 nga koronavirusi, ndërron jetë tek Infektivi e moshuara

Ka ndërruar jetë në spitalin Infektiv pacientja 82-vjeçare L. M., nga Tirana, e konfirmuar me COVID-19.

E moshuara po trajtohej prej 5 ditësh në spitalin infektiv, ndërsa në dy ditët e fundit gjendja e 82-vjeçares u rëndua së tepërmi dhe pavarësisht përpjekjes së stafit mjekësor, nuk arriti të mbijetojë.

82-vjeçarja që vuante nga disa sëmundje bashkëshoqëruese: Astma Bronkiale, Hipertension, Podagra (sëmundje reumatismale) është viktima e 12 e COVID-19 në Shqipëri.

82-vjeçarja është viktima e 12-të nga koronavirusi në vendin tonë, ndërkohë që sipas Ministrisë së Shëndetësisë numri i të prekurve ka arritur në 223.