Shënohet viktima e dytë brenda 24 orëve në plazhin e Durrësit

Është shënuar viktima e dytë në plazhin e Durrësit gjatë ditës së sotme, brenda 24 orëve.

Një burrë rreth 70-vjecc, i cili po hynte në det kur është ndjerë keq e ka rënë pa ndjenja, gjatë shoqërimit për në spital me ambulancë i moshuari ka ndërruar jetë.

Viktima po kalonte pushimet në plazhin e madh të Durrësit. Akoma nuk është bëri identifikimi i viktimës.

Nga hetimet paraprake rezulton se shkak i vdekjes ka qenë një atak kardiak, por policia vazhdon punën për zbardhjen e plotë të ngjarjes.

Njoftimi i policisë:

Më datë 11.06.2019,rreth orës 11:20, në lagjen nr.13,Durrës, në afërsi të Pistës “Iliria”,  një shtetas ende i paidentifikuar, i seksit mashkull, rreth 70 vjeç, 1.75 cm i gjatë , është futur në det dhe nuk është ndjerë mirë, ai është nxjerrë nga pushuesit dhe është transportuar në Spitalin Rajonal Durrës, ku ka ndërruar jetë.

Nga këqyrja paraprake e kufomës nuk janë konstatuar shenja dhune.

Dyshohet se shkaku i vdekjes të ketë qënë arrest kardiak.

Po punohet për identifikimin e kufomës.

(E.K/Faxweb.al)