Shënohet viktima e parë nga tërmeti, roja e pallatit në ndërtim hidhet nga pallati për shkak të panikut

Pas tërmetit 4.9 të shkallës Rihter që tronditi vendin mbrëmjen e kaluar, me epiqendër në fshatin Bubq, është shënuar edhe viktima e parë në Durrës.

Një person ka humbur jetën pasi është rrëzuar nga pallti dhe dyshohet se ka rënë për shkak të frikës nga tërmetit. Viktima është shtetasi me inciale Th.R 62 vjeç banues në Durrës dhe ishte roje në një objekt 6 katësh në ndërtime sipër. Grupi hetimor ndodhet në vendngjarje dhe po punon për zbardhjen e plotë të ngjarjes.

Njoftimi i policisë

Më datë 28.01.2020, rreth orës 23:30, në një ndërtesë është rrëzuar aksidentalisht,shtetasi Th.R., 62 vjeç, banues në Durrës, ku për pasojë ka ndërruar jetë.

Grupi hetimor ndodhet në vendngjarje dhe po punon për zbardhjen e plotë të ngjarjes.