Shërbimi i provës për Tahirin, zbulohet si do të ndryshojë CV-ja e ish-ministrit

Ish-kryetarja e KQZ-së Endira Bushati ka reaguar pas vendimit të Gjykatës së Krimeve të Rënda për të dënuar me 3.4 vite shërbim prove ish-ministrin Saimir Tahiri, pasi e gjeti fajtor për shpërdorim detyre.

Bushati shprehet se të gjithë ata që mendonin se Tahiri do të dënohej, bëjnë mirë që të emigrojnë, pasi sipas saj është shumë e qartë se nga cilër personazhe qeverisemi.

Me ironi Bushati shton se në CV-në e Tahirit tashmë do të shtohet dhe: Punë në komunitet të çertifikuar nga Shërbimi i proves.

Postimi i plotë i Bushatit:

Tani le të bëhemi seriozë….

Doli siç pritej….

Ata që kanë menduar se do të dënohej me burg, bëjnë mirë të emigrojnë shpejt….

Që gjithsesi do të dënohej, për ata që ndjekin politikën e integrimin, ishte e qartë….

Çështja qëndron: A, dhe nëse po, kur, do të reflektojë kjo shoqëri????

Nga ç’personazhe qeverisemi????

Ky i sotmi, tek rubrika “Eksperienca në punë” në CV, ka të listuar:

1. Ministër i Brendshëm
2. Punë në komunitet të çertifikuar nga Shërbimi i provës