Lokalet pranë shkollave kthehen shpeshherë në mollë sherri mes nxënësve dhe personave të jashtëm , por ajo që ka ndodhur në një shkollë të rrethitz Librazhd të le pa fjalë.
Bëhet fjalë për fshatin Polis, më saktë pranë shkollës “Muhedin Sherifi”. Një nxënës është konfliktuar dhe më pas dhunuar brutalisht nga pronarët e lokalit, A. Lleshi dhe F.Lleshi, vëllezër.
Në videon që publikon “Jeta Osh Qef”, dy vëllezërit Lleshi konfliktohen me djalin me bluzë portokalli, ndërsa dëgjohet zëri i një personi, i cili përsërit herë pas here fjalët “Lere çunin or ti”.
“Lere çunin or ti se është gjynah”, dëgjohet sërish personi që ndoshta edhe po filon, ndërsa njëri prej vëllezërve i përgjigjet: “Po mos të shajë”.
Në fund djali largohet i zhveshur, por habit fakti që edhe pse ka patur persona aty pranë askush nuk ka ndërhyrë.
Discussion about this post