Një sherr mes xhaxhait dhe nipit fillimisht me fyerje ka degjeneruar më pas në dhunë mes të dyve. Ngjarja ka ndodhur në Kurbin ku në sherin që ka nisur në mes të rrugës janë përfshirë dhe familjarë të tjerë.
Policia njofton se dje ka arrestuar në flagrancë shtetasit ( xhaxhai dhe nipi ) Ervis Shpani, 28 vjeç, banues në Fushë Mamurras në Kurbin dhe Agustin Shpani , 50 vjeç , banues në Fushë Mamurras në Kurbin.
“Këta 2 shtetas, në një rrugë, në lagjen e Shpanve në Fushë Mamurras, për motive të dobëta ,janë konfliktuar verbalisht, konflikt i cili më pas ka agravuar në dhunë fizike ndërmjet tyre”- njofton policia.
Sipas saj, në konflikt janë përfshirë dhe familjarët e shtetasit Agustin Shpani. Vepra penale në ngarkim të 2 të arrestuarve ” Dhuna në familje” parashikuar nga neni 130/a/3 i Kodit Penal.
(E.K/SHUPLAKA)
