Sherr me të birin/ Policia parandalon përshkallëzimin e konfliktit. Municione, pushkë dhe pajisje shpërthyese në banesë

Policia e Korçës ka bërë të mundur parandalimin e përshkallëzimit të një konflikti midis babait dhe të birit në një familje.

Gjatë kontrollit në banesën e shtetasit me inicialet, P.TH., 66-vjeç, Policia gjeti dhe sekuestroi në cilësinë e provës materiale një armë zjarri pushkë, municione luftarake, si edhe pajisje shpërthyese.

Shërbimet e Komisariatit të Policisë Korçë, pas marrjes së njoftimit se në fshatin Drenovë kishte konflikt në një familje, dhe se i zoti i banesës posedonte armë zjarri, kanë shkuar menjëherë në adresën e dhënë dhe falë veprimeve të shpejta parandaluan përshkallëzimin e konflikit që mund të sillte pasoja të rënda për jetën.

Policia ka arrestuar në flagrancë shtetasin P.Th., 66 vjeç, i cili po konfliktohej me djalin e tij.

Materialet në ngarkim të tij, i kaluan Prokurorisë së Rrethit Gjyqësor Korçë, për veprat penale “Dhuna në familje” dhe “Prodhimi dhe mbajtja pa leje e armëve luftarake dhe e municionit.

(F.GJ/FAXWEB.AL)