Një ngjarje e rëndë ka ndodhur mesditën e sotme në Durrës ku dy adoleshentë janë konfliktuar me njëri-tjetrin dhe debate ka degraduar në dhunë ku janë përdorur edhe armë të ftohta.
Mësohet se njëri prej tyre ka përdorur një thikë duke qëlluar adoleshentin tjetër e për pasojë ky i fundit është dërguar drejt Spitalit Ushtarak në Tiranë.
Sipas burimeve të Fax Web, I plagosuri ka dëmtime në shtyllën kurrizore.
Ngjarja ka ndodhur mesditën e sotme në lagjen numër 17 të qytetit bregdetar nga ku bëhet me dije se dy adoleshentët janë nxënës të së njëjtës shkollë.
Mësohet se Policia ka ndaluar autorin ku edhe po kryhen hetimet për shkaqet dhe rrethanat e ngjarjes.
Deklarata e Policisë Durrës:
Në Urgjencën e Spitalit Rajonal Durrës , ka shkuar shtetasi K.Ç., 14 vjeç, i dëmtuar me mjet prerës ( thikë), ku pas ndihmës së parë mjekësore u dërgua në Q.S.U.T, për mjekim më të specializuar.
Policia menjëherë ka shkuar në vendngjarje dhe pas një pune të mirëorganizuar ka arritur të identifikojë dhe të arrestojë në flagrancë autorin e dyshuar të plagosjes, shtetasin S.K.,16 vjeç.
Materialet i kaluan Prokurorisë pranë Gjykatës së Shkallës së Parë Durrës për shtetasin S.K., për veprën penale “Plagosja e rëndë me dashje ” parashikuar në nenin 88 i Kodit Penal.
(F.GJ/FAXWEB.AL)
Discussion about this post