Një sherr me thika ka ndodhur paraditen e sotme në Berat, në pedonalen e qytetit. Dy persona pas sherrit me grushta mes tyre, kanë nxjerrë edhe thikat. Kështu një 47-vjeçar ka marrë plagë në vithe.
Të dy personat janë tashmë në spitalin e qytetit duke marrë kujdesin shëndetësor.
Detajet:
Më datë 18.05.2018, rreth orës 11:00, në Pedonalen e qytetit, ka patur një konflikt midis shtetasve G.Ç, 39 vjeç, dhe B.D, 47 vjeç, të dy banues në Berat, pasi janë konfliktuar fizikisht, shtetasi G.Ç, ka goditur me mjet prerës (në vithe) shtetasin B.D.
Të dy shtetasit ndodhen në Spitalin Rajonal Berat, ku po marrin mjekim nën kujdesin e mjekëve.
Grupi hetimor po punon për zbardhjen e plotë të ngjarjes.
