Dy vëllezër nga Durrësi janë konfliktuar keqazi dhe kanë goditur njëri-tjetrin, me sende të forta. Mësohet se ngjarja ka ndodhur në lagjen nr. 13 të këtij qyteti, ndërsa dy vëllezërit rezultojnë se kanë qenë të dehur në momentin e sherrit.
Pas sherrit policia i ka arrestuar dy vëllezërit, që quhen Hajdar Gila (20 vjeç) dhe vëllai i tij Ernest Gila (28 vjeç).
DETAJET E POLICISË:
Specialistët për Krimet në Komisariatin e Policisë Durrës arrestuan në flagrancë shtetasit:
- Hajdar Gila 20 vjeç, banues në Durrës;
- Ernest Gila 28 vjeç, banues në Durrës.
Shtetasit e mësipërm, vëllezër me njëri-tjetrin, në lagjen Nr.13, Durrës, në banesë, në gjendje të dehur dhe për motive të dobëta janë konfliktuar.
Në konflikt e sipër janë goditur me sende të forta dhe thikë , ku kanë marrë plagë të lehta në trup.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Dhunë në familje” parashikuar në nenin 130/a të Kodit Penal. (D.D/Shuplaka)
Discussion about this post