Sherr mes shqiptarëve, plagoset rëndë 36-vjeçari në Itali

Dy shqiptarë janë përfshirë në një sherr me thika në Itali, ku për pasojë ka mbetur i plagosur njëri prej tyre.

Sipas medieve vendase ngjarja ka ndodhur në komunën Turato të Komos, mbrëmjen e djeshme, ku një 37-vjeçar shqiptar ka goditur disa herë me thikë një tjetër bashkëkombas 36 vjeç.

Nga kjo 36-vjeçari është dërguar me urgjencë në spital, ku ndodhet nën kujdesin e mjekëve, ndërsa policia ka arrestuar autorin. Ai akuzohet për tentativë vrasjeje të qëllimshme. 36-vjeçari ka marrë plagë në gjoks e fyt.

Të njëjtat burime thonë se dy shqiptarët ishin pa dokumente në Itali.

(B.B/ Faxweb.al)