Një debat mes analistëve është zhvilluar mbrëmjen e djeshme pak orë para mesnatës. Teksa emisioni “Të Paekspozuarit” ku ishin të ftuar po shkonte drejt mbylljes, Fatos Lubonjës i është ndërprerë disa herë fjala nga Ben Blushi dhe Andi Bushati.
Në momentin e disatë, ai iu hakërrye “Epo qenkeni idiotë pra”, duke shfryrë e përplasur shishen e ujit në tavolinë përpara se të niste të fliste sërish.
Andi Bushati nuk e ka lënë pa kaluar këtë ofendim dhe në momentin që i është ndërprerë fjala nga Lubonja, i është drejtuar atij: “Tani të të them idiot unë ty?”
Nuk kanë munguar replikat gjatë emisionit, sidomos gjatë kohës që po diskutohej për qeverinë teknike.
Duke zhvilluar idenë e tij, Blushi u shpreh se Basha nuk del kundër sistemit, ndaj çadra nuk mund të ketë sukses. Ndërhyrja e beftë e Lubonjës, e shtyu atë t’i drejtohej: “Më ler të mbaroj”:
Lubonja: Po sistemi nuk ndryshon me një ditë mor Ben
Blushi: Dëgjo, më ler të mbaroj. Po u krijua qeveria teknike, opozita do marrë ministrin e Brendshëm, regjistroje këtë, këtu do jemi
Lubonja: Nuk e kuptoj pse je kaq agresiv me mua sot (psherëtin)
(XH.A/SHUPLAKA)
Discussion about this post