Ditën e sotme, në një seancë dëgjimore në Komisionin e Edukimit, ministrja Lindita Nikolla ka debatuar ashpër me deputeten e Partisë Demokratike Albana Vokshi.
Gjatë seancës dëgjimore, deputetët e opozitës kanë diskutuar lidhur me kushtet në të cilat ndodhen shkollat e vendit, që në nisje të vitit të ri mësimor. Ndërsa kanë treguar problemet që konstatuar në zonat e tyre.
“Bëni transparencë zonja Ministre, sepse gjendja e arsimit sidomos në zonat rurale. Si mundet nxënësi i klasës së parë me nxënësin e klasës së tetë në një klasë? Si mundet? Me një mësues. Shkoni te Emin Duraku, s’keni stola. Si mundeni ju të mos viheni në dijeni për këtë? Nxënësit ulen 2 në një karrige. Mesi i Tiranës, Emin Duraku.”, tha Vokshi për kushtet në shkollë.
Ndërsa Luçiano Boçi nga ana tjetër tha se për shkak të emigracionit janë larguar nga shkollat 20 mijë nxënës.
“Si është e shpërndarë në mënyrë gjeografike nga arsimi parauniversitar në tërësi nëse bëhet një krahasim ku janë larguar gati 20 mijë nxënës?”, janë fjalët e Boçit.
“ Të gjithë të angazhohen me përgjegjësi të plotë që të inspektojnë dhe të bëjnë me dije marrëdhënien siç ju e gjykoni, t’ju jap llogari për gjithçka ne kemi gjetur dhe të mbajë përgjegjësi kushdo që shkel ligjin.”, iu përgjigj Nikolla denoncimeve të deputetëve.
Mirëpo në një moment, lidhur me kurrikulën e re në shkolla, tekstet mësimore si dhe raportin e vlerësimit të arritjeve të nxënësve, vokshi dhe Nikolla kanë debatuar ashpër me njëra tjetrën, saqë kjo e fudnit e ka kërcënuar deputeten demokrate.
DEBATI:
Vokshi: Rezultati i mëpërparshëm i Pizës na nxorri ne në vendin e tretë
Nikolla: Zonja Vokshi, me gjithë respektin, unë sapo të shkoj në zyrë do të bëj publike gënjeshtrën që ju sapo thatë.
Vokshi: E ke këtu, mos shko deri në zyrë e ke këtu.
Nikolla: Do ta bëj publike dhe do përgjigjeni për këtë.
Vokshi: Më fal, si do përgjigjem, çfarë do më bësh?
Nikolla: Duke thënë më fal.
Vokshi: e kupton çfarë mentaliteti ke ti?! Si mundet një anëtare e kabinetit të vijë këtu dhe të kërcënojë deputeten e opozitës?! (D.D/Shuplaka)
