Sot në Kuvendin e Kosovës pati edhe përleshje fizike mes nënkryetarit të Kuvendit, Xhavit Halitit dhe deputetit të LDK-së Arben Gashit.
Por, goditjes nuk mundi t’i shpëtojë as deputeti tjetër i LDK-së, Anton Çuni, i cili u godit me bërryl në shpinë nga Haliti, teksa ishte duke biseduar me deputetë të tjerë.
Haliti dhe Çuni ditë më parë kanë pasur një përplasje verbale, ku Çuni kishte akuzuar Halitin se kishte marrë 8 milion marka gjatë kohës kur Haliti ishte pjesë e drejtuesve të strukturave të UÇK-së.
Përplasja ndodhi sepse seancën e sotme të Kuvendit e drejtonte Haliti. Teksa në një moment ai nuk ia dha fjalën deputetit nga LDK, Arben Gashi, gjë që bëri ta nervozojë këtë të fundit.
Discussion about this post