Sot komuniteti i peshëngritjes dhe sportit i ka dhënë lamtumirën, kampionit më të madh në historinë e sportit shqiptar, Ymer Pampurit, i cili u nda nga jeta një ditë më parë.
Ndërkohë, në këto momente sporti i peshëngritjes gjendet në një pikë kritike, sepse Federata ka hapur një debat me sportistët dhe kryesisht me Erkand Qerimajn.
Gjatë ceremonisë mortore, nuk ka munguar as debati midis sportistëve dhe Gjozës.
Në nje video të shpërndarë nga “Top Channel”, shihet qartë debati midis Gjozës, Qerimajt dhe Daniel Godelli.
DEBATI
Elez Gjoza: Unë kam paqe me sportistët. Unë debatoj me ta, por në fund jam gjithmonë në krahun e tyre. Edhe kur debatoj të nesërmen i kam harruar të gjitha ato që kam thënë.
Erkand Qerimaj: Sportistët që ngrenë flamurin nuk duhen sulmuar.
Elez Gjoza: Absolutisht jo.
Erkand Qerimaj:
As abuzime me njerëz të pashkollë që ke vënë trajnerë të kombëtares; as të marrësh lekët e sportistëve dhe të bësh aktivitete nëpër botë dhe turizëm; as shumë e shumë shkelje që të gjithë këta sportistë kanë frikë të flasin.
Daniel Godelli: Unë ja them në sy. Nuk ka këtu për të folur me mediat. Ja kam thënë të gjitha.
Erkand Qerimaj: Ja këtë sportistin e kanë përjashtuar për një SMS. (K.P/Shuplaka)
