Sherr te ligjet, Manja i shqetësuar: Më shurdhove o zotëri!

Ka pasur tensione në Komisionin e Ligjeve për ditën e sotme, ku deputetët e opozitës kanë vënë sërish në rend dite çështjen Xhafaj.

Deputetët e opozitës e ‘’kanë pasur inatin” kryesisht me kryetarin e Komisionit të Ligjeve, Ulsi Manja. Deputeti Klevis Balliu i ndërpreu për disa herë fjalën Manjës, ndërsa ky i fundit është ‘shurdhuar’.

Pjesë nga debati:

Deputetja e PD Dhurata Cupi: Ministri i Brendshëm duhet të japë dorëheqjen, s’ka asnjë të drejtë të drejtojë këtë ministri. Kërkoj të ketë reflektim nga kolegët që ti kthejmë legjitimitetin vendit. Bashkojuni protestës së 26 majit në orën 11 për të kthyer vendin në rrugën drejt BE.

Ulsi Manja: Qeveria nuk rrezohet me protesta, por me vote.

Edmond Spaho: S’di ndonjë demokraci ku vëllai i ministrit të Brendshëm të ketë vëllanë të dënuar, ndaj po ju kërkojmë që për të qenë vendi dinjitoz të japë dorëheqjen ka njerëz edhe në PS edhe te Rilindja që kanë moralin të jenë ministra të Brendshëm, nuk i takon një njeriu me një cen të tillë.

Manja: Faleminderit zoti Spaho për këshillën miqësore. Janë 22 milion euro që presin votën e këtij Kuvendi që presin ti shkojnë publikut dhe më duket po e bllokoni.

Vokshi: Po shkelni rregulloren, dua fjalën për procedurë.

Klevis Balliu: Ja mundësi të marr djalën pse ke frikë nga një pyetje. Cili nga ju mendon që është normale në një vend demokratik që ministri i Brendsheëm të keteë vëllain në burg për drogë, na e thoni dhe ikim ne jemi dakord.

Tensione në seancë

Miratohet në parim pr/ligji mes zhurmave

Manja: Qetësi

Balliu: Drogën e keni kthyer në sistem

Manja: Ke tre dite që këndon ne komisionin e ligjeve

Balliu: Po me bilbil se ty s’ka, unë po bëj pyetje

Manja: Po ty s’të ka thënë ndonjëherë në jetë puna mbarë, po bën pyetje ti

Balliu: Pse jeni kthyer në memec të gjitheë, pse nuk i përgjigjeni pyetjes. Këtu duhet të jepni përgjigje e llogari.

Manja: Vazhdoni se e keni mirë kështu. Kush është  dakort me nenin 1…

Balliu: Të kanë dhënë urdhër të mos flasësh?

Manja: Jemi për pune këtu, çfarë gjëme ka ndodhur? Gjema ka ndodhur tek ju po se keni marrë vesh. Kur je krenar ti që ke një kryetar që akuzohet për 250 milionë euro.

Balliu: Gjithë ky burrë këtu nuk jep dot një përgjigje.

Manja: Po më shurdhove o zotëri

Balliu: Ti i ke nxirë jetën shqiptarëve, u shurdhove ti

Manja: E kanë marre vesh njerëzit që je deputet i Shqipërisë, ka tre ditë. E ka dhënë opinionisti Fahri Balliu përgjigjen.

(E.K/FAXWEB.AL)