Dy ditë më parë, një sherr në një lokal në Durrës ka ndodhur mes sekretarit të këshillit Bashkiak Armandaj Tragajt dhe kryetarit të PS-së në Durrës, Luan Zaza.
Ndërkohë ditën e sotme, është shkarkuar nga detyra sekretari i këshillit Bashkiak Durrës, Armand Tragaj. Shkarkimi i tij u përfshirë në rendin e ditës në mbledhjen e këshillit Bashkiak Durrës, ndërsa në vend të tij u emërua Dorina Milaj.
Në fjalën e tij përpara Këshilltarëve, Tragaj tha se e ka zbatuar detyrën e tij në mënyrë korrekte, por pavarësisht kësaj nuk i shpëtoj shkarkimit.
Propozimi për shkarkimin e tij u bë ditë më parë, gjë që më herët nxiti reagimin e ashpër të Tragajt, i cili u përfshi në një konflikt fizik me kreun e PS-së Durrës Luan Zaza në një lokal pranë bashkisë së Durrësit.
Juristi Tragaj u caktua në këtë post në vitin 2015 dhe vinte nga rradhët e LSI-së.
(K.H/Faxweb.al)
Discussion about this post