Të tjera detaje janë zbuluar nga ngjarja e rëndë që ndodhi pasditen e sotme në burgun e Rrogozhinës, ku një person është plagosur rëndë dhe disa janë lënduar.
Sipas burimeve bëhet e ditur se ka qenë 23-vjeçari Endrit Goga ai që ka nisur sherrin, ku janë përfshirë edhe disa persona të tjerë.
I lënduar rëndë nga përleshja ka mbetur një i dënuar, me mbiemër Bajrami, i cili është transportuar menjëherë për në spitalin e Traumës në Tiranë.
Sipas informacionit zyrtar të polcisë për të sqaruar lidhur me shkaqet e këtij konflikti, mësohet se ka nisur në ambientet e palestrës së burgut.
Autori i cili ka lënë të plagosur Bajramin, është dënuar në vitin 2015, pasi kishte kryer katër vjedhje, nën kërcënimin e armës.
Njoftimi i policisë në 2015:
Specialistët për Krimet e Rënda në Drejtorinë Vendore të Policisë Elbasan, gjatë ditës së djeshme, në bashkëpunim me Policinë Kufitare Morinë, bënë kapjen dhe ndalimin e shtetasit Endrit Goga, 19 vjeç, banues në Cërrik.
Ai u ndalua nga efektivat e policisë, pasi ka vjedhur me dhunë, karburantin në Fshatin Trojas – Belsh, në pronësi të shtetasit L.P, kryer në bashkëpunim me dy shtetasit e arrestuar në parë.
Materialet iu kaluan Prokurorisë së Rrethit Gjyqësor Elbasan për veprime të mëtejshme për veprën penale “Vjedhja me dhunë, kryer në bashkëpunim”.
