Partia Socialiste e Shkodrës ka reaguar lidhur me lajmin e publikuar nga mediat lokale, se një konflikt ka ndodhur pranë kësaj selie, ku është përfshirë edhe drejtori rajonal i OSHEE-së Ersi Sulejmani.
“Partia Socialiste Dega Shkoder, sqaron se lajmi i qarkulluar ne mediat lokale per gjoja nje konflikt fizik te ndodhur ne ambientet e Selise se PS Shkoder eshte teresisht i pa vertete.
Gjate dites se sotme në seline e PS jane zhvilluar disa takime, por te gjitha aludimet e tjera jane thjesht spekulime.
Ju Faleminderit!”
Mediat lokale raportuan sot se një person kishte goditur Sulejmanin në selinë e PS-së, gjatë mbledhjes së organizuar nga ministri i Punëve të Jashtme Ditmir Bushati, i cili është edhe koordinator i PS-së në këtë qark. (D.D/Shuplaka)
Discussion about this post