Pas një sherri me thika që ndodhi mes shtatë personave në Borsh, humbi jetën një 31-vjeçar. Po kështu janë plagosur edhe 3 të tjerë.
Ndër të plagosurit, 24-vjeçari E.O. raportohet se ndodhet në gjendje të rëndë shëndetësore.
Rreth kësaj ngjarje të rëndë dëshmitarët në fshat thonë se sherri mes të rinjve nisi në një lokal dhe kur situata është qetësuar disi, të rinjve u është zënë pritë në mes të rrugës e janë qëlluar me thika.
“Unë nuk e di për çfarë janë zënë. Thuhet se mbas sherrit që nuk e di ku nisi, njëri nga grupet i ka bërë pritë në rrugë dhe i kanë goditur ata të grupit tjetër. I kanë bërë copa me thika. Këtu kanë marrë goditjen e fundit, tek rruga që të çon për në plazh“, thotë një qytetar për JOQ.al, duke sjellë edhe foto nga vendi i ngjarjes. (J.V/Shuplaka)
Discussion about this post