Policia ka zbardhur ngjarjen e rëndë që ndodhu në fillim të muajit gusht në Fushë Arrëz, ku mbetën të plagosur dy persona.
Mësuar se lidhur me ngjarjen janë ndaluar tre të rinjtë nga Fushë Arrëzi, të cilët akuzohen se kanë dhunuar kushërinjtë e tyre.
Të dy palët e përfshira në konflikt janë banues në qytet Fushë Arrëz dhe në lidhje fisnore, ndërsa mësohet semes tyre ka patur edhe konflikte të mëparshme.
DETAJET E POLICISË
Dokumentohet ngjarja e ndodhur me datë 09.08.2017, ku kanë mbetur të dëmtuar dy shtetas. Ndalohen 3 shtetas të shpallur në kërkim si autor të dyshuar të ngjarjes. Nga Seksioni për Hetimin dhe Parandalimin e Krimeve u ndaluan shtetasit në kërkim:
1-Gjovalin Gjinaj, 23 vjeç, banues në Fushë Arrëz
2-Fran Gjinaj, 23 vjeç, banues në Fushë Arrëz
3-Mark Gjinaj, 19 vjeç, banues në Fushë Arrëz
Ndalimi i këtyre shtetasve u bë pasi në bashkëpunim me njëri tjetrin, për motive të dobëta, kanë goditur me sende të forta, shtetasit B. Gj. dhe D. Gj. banues në Fush Arrëz.
Prokuroria e Rrethit Gjyqësor Pukë me shkresë Nr.88, datë 14.08.2017, ka urdhëruar ndalimin për veprën penale të “Plagosje e lehtë me dashje”, “Dëmtime të tjera me dashje” dhe “Prishje e rendit e qetësisë publike” të kryera në bashkëpunim parashikuar nga nenet 89-25, 90/1-25, 274-25 i Kodit Penal. (D.D/Shuplaka)
