Policia e Lezhës ka intensifikuar hetimet dhe veprimet operacionale për zbardhjen e plotë të konfliktit të ndodhur më 11 prill 2025 në qytetin e Lezhës.
Si rezultat i kontrolleve të shumta të zhvilluara në terren dhe bazuar në të dhëna të siguruara nga inteligjenca policore, janë kapur dhe arrestuar dy shtetas që ishin shpallur në kërkim ditën e ngjarjes. Bëhet fjalë për Redian Margjonajn, 20 vjeç, si dhe një të mitur 15-vjeçar, të dy me banim në Lezhë.
Të arrestuarit dyshohen për kryerjen e veprave penale “Plagosje e rëndë me dashje”, e kryer në bashkëpunim, si dhe “Prishja e qetësisë publike”. Gjithashtu, si pjesë e hetimeve, policia ka sekuestruar automjetin që dyshohet se është përdorur gjatë konfliktit, i cili tashmë do të shërbejë si provë materiale në vijim të procesit hetimor.
Ndërkohë, autoritetet kanë shpallur në kërkim edhe një tjetër 15-vjeçar, banues në Lezhë, i cili rezulton i përfshirë në të njëjtin konflikt.
Policia e Lezhës zbardhi përmes kamerave të sigurisë se ajo që u raportua si një përplasje fizike mes dy personave mesditën e së premtes, në fakt ishte një përleshje e dhunshme mes një grupi njerëzish, që zanafillën e konfliktit e vitin e kaluar mes 2 të miturve, për një vajzë.
Dy persona u arrestuan Fatjon Gjini, 34 vjeç, dhe Ervin Nika, 37 vjeç, ky i fundit i arrestuar më parë për armë pa leje. Për përleshjen e dhunshme 4 të tjerë u shpallën në kërkim 4 të tjerë, Redian Margjonaj e Kevin Ndoka, 20 vjeç dhe dy të mitur.
Gjini e Nika goditën me sende të forta Redian Margjonajn, i cili bashkë me tre të tjerët e shpallur në kërkim e goditën me automjet Fatjon Gjinin dhe më pas e dhunuan fizikisht me mjete të forta.
Hetimet vijojnë me qëllim identifikimin dhe kapjen e personave të tjerë të dyshuar si të përfshirë në këtë ngjarje të rëndë, ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë për veprime të mëtejshme ligjore.
