Në lidhje me ngjarjen e ndodhur pasditen e së hënës te “Sheshi Pranvera” në Durrës ku policia u shfaq në një video ku merrte me forcë dy persona dhe i fuste në furgonin e policisë, sot kjo e fundit ka njoftuar se ka vënë në pranga dy nga personat e përfshirë në konflikt. “Në momentin kur kanë nderhyrë punonjësit e policisë, shtetasit e arrestuar i kanë kundërshtuar, fyer dhe përdorur dhunë ndaj uniformave blu”, sqaron policia.
Ata janë shtetasit P.C 39 vjeç, dhe R.B 25 vjeç, te dy banues në Arapaj, Durrës.
Njoftimi i policisë
Oficerët e Prokurorisë së Rrethit Gjyqësor Durrës arrestuan në flagrancë shtetasit: P.C 39 vjeç , banues në Arapaj, Durrës; R.B 25 vjeç, banues në Arapaj, Durrës. Më datë 10.07.2017 rreth orës 17:30,ne lagjen Nr.11 Durrës, në vendin e Quajtur “Sheshi Pranvera”, janë konfliktuar për motive të dobëta me shtetasin I. M. 36 vjeç, banues në Durrës.
Në momentin kur kanë nderhyrë punonjësit e policisë, shtetasit e arrestuar i kanë kundërshtuar, fyer dhe përdorur dhunë ndaj uniformave blu.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Kundërshtimi i punonjësit të policisë së rendit publik” parashikuar në nenin 236/2 të Kodit Penal. (J.V/Shuplaka)
Discussion about this post