Ish-kryeministri, njëherësh lideri historik i Partisë Demokratike, Sali Berisha, ka reaguar pas përplasjeve që ndodhën dje në Parlamentin Europian mes opozitës dhe drejtuesve të komisionit për përfaqësuesin e Shqipërisë, deputetin socialist Taulant Balla.
Sipas Berishës, ajo që ndodhi në PE është e pashembullt, pasi sipas tij kurrë më parë një vend nuk është përfaqësuar nga një njeri me 5 mbiemra siç cilëson Ballën.
“Një akt tjetër fatal kundër integrimit në Bashkimin Europian.
Të dashur miq, ajo që ndodhi dje në Parlamentin Europian është e pashembullt në historinë e atij parlamenti sepse kurrë ndonjëherë një vend nuk i ka lejuar vetes të përfaqësohet nga një njeri me pesë mbiemra siç është rasti Yaris/Bego/Hoxha Gjura Jaupllari.”, – shkruan Berisha.
Më tej Berisha shkruan, se për këtë arsye ngjarja e djeshme është një kushtrim për shqiptarët për të përmbysur këtë klikë në pushtet.
Postimi i plotë:
Kalbësira kundërmon në Parlamentin Europian!
Një akt tjetër fatal kundër integrimit në Bashkimin Europian.
Të dashur miq, ajo që ndodhi dje në Parlamentin Europian është e pashembullt në historinë e atij parlamenti sepse kurrë ndonjëherë një vend nuk i ka lejuar vetes të përfaqësohet nga një njeri me pesë mbiemra siç është rasti Yaris/Bego/Hoxha Gjura Jaupllari.
Ky akt i denoncuar nga opozita, e cila ka paraqitur fakte dhe dokumente se vetëm me famozin Bego, Taulant Yaris ka bërë 24 rrugë jashtë shteti, ka tronditur thellë Parlamentin Europian dhe mjerisht edhe shanset e Shqipërisë që kërkon të integrohet duke përdorur pasaportat diplomatike të politikanëve në shërbim të trafikantëve dhe ngarkesave të tyre të drogës!
Ngjarja e djeshme në Parlamentin Europian është një apel, kushtrim për mbarë shqiptarët të përmbysim sa më parë këtë klikë kriminale në pushtet për të çelur rrugën e mbyllur prej saj të integrimit europian. sb
(B.B/ Faxweb.al)
Discussion about this post