Një qytetar u rrah brutalisht dhe u godit me thikë pasi i kërkoi punonjësve të një parkingu në Vlorë, t’i shpjegonin pse e kishin bllokuar gomën e mjetit të tij. Në fillim, në njoftimin e parë të saj të orës 11:07 (foto. 1), Policia e Vlorës raportoi se bëhej fjalë për një konflikt fizik mes katër shtetasve ku kishin mbetur të plagosur 3 punonjësit e shoqërisë private “Tis-Park”.
Qytetari Edi Alikaj 44 vjeç që ka në zotërim një firmë ndërtimi dhe që njihet për bamirësitë e tij në qytet, u cilësua si një punonjës i parkingut që u përfshi në konflikt kur në fakt ai ishte “viktima”. Në këto kushte, i mbetet policisë të sqarohet por “Shuplaka” mësoi se qytetari nuk ishte punonjës i policisë.
Ndërsa në orën 12:39, Policia e Vlorës jep një njoftim tjetër, kontradiktor (foto. 2). Ajo njofton se 44-vjeçari Edi Alikaj është një prej autorëve të plagosjes në konflikt, i cili vetëm është dëmtuar fizikisht. Ndërsa punonjësit e parkingut, të cilët rezultojnë vëllezër, ndodhen në spital të plagosur me mjet prerës.
[ngg_images source=”galleries” container_ids=”79″ exclusions=”158,159,160,331,333,335″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
