Një ditë pas protestës kreu i LSI-së Monika Kryemadhi është shfaqur në krahë të rinjve të LSI-së në një kafene. Në këtë takim nuk kam munguar edhe deputetja e LSI-së Floida Kërpaçi.
“Çdo ditë nis më bukur kur takon të rinjtë e LRI-së! Janë këta frymëzimi im dhe shembulli më i mirë për të gjithë të rinjtë në Shqipëri.”, shprehet Monika Kryemadhi. Sjellim në vëmendje që vetëm një ditë më parë Kryemadhi protestoi ashpër kundër opozitës. Madje pati edhe një përplasje edhe me Edi Ramëm, ku Kryemadhi goditi edhe me çizme në drejtim të tij. Po kështu edhe Floida Kërpaçi u dëmtua dje gjatë protestës dhe u shfaq e gjakosur.
E gjithë kjo erdhi pasi opozita dje nuk ishte dakort me zgjedhjen e Kryeprokurores së Përkohshme, Arta Markun. Theksojmë që Arta Marku e ka marrë sot detyrën nga paraardhësi i saj, Adriatik Llalla.
Ka qenë një ceremoni e thjeshtë e bërë në ambientet e Prokurorisë së Përgjithshme, ku Llalla i ka dorëzuar detyrën Markut. Në dalje të organit të akuzës Llalla u shfaq i qetë dhe i buzëqeshur teksa u tha gazetarëve se do të shiheshin së shpejti.
Nuk dihet rruga që do të ndjekë ish-kryeprokurori pas largimit nga detyra, po mesa duket zëvendësimi dhe për atë vetë ka qenë i pritshëm. Gjatë detyrës së tij Llalla e pati të pamundur që të hetonte çështje të rëndësishme, dhe kur u duk se një dosje e madhe si ajo e Tahirit do të dilte në dritë vjen edhe zëvendësimi i tij.
Arta Marku ka qenë prokurore në Shkodër dhe në rrethet e ngushta njihet si vartësja e deputetit socialis Ulsi Manja, kur kanë punuar së bashku në qytetin verior. (J.V/Faxweb)
Discussion about this post