Një ngjarje tragjike ka ndodhur në Itali, ku një pilot ushtarak ka humbur jetën, pasi gjatë një shfaqjeje ajrore, avioni që ai drejtonte u rrëzua në det.
Kjo ka ndodhur gjatë ushtrimit në Terracina, 76 kilometra prej Romës. Mijëra njerëz po ndiqnin spektaklin në brigjet e Terracinas, kur piloti Gabriele Orlandi nuk arriti ta drejtonte siç duhet avionin gjatë rënies në det.
Trupi i 36-vjeçarit u zbulua rreth një orë e gjysmë pas aksidentit vdekjeprurës.
Në vendngjarje kanë qenë edhe bashkëshortja dhe familjarët e të ndjerit, të cilët po ndiqnin shfaqjen e tij, e cila rezultoi edhe shfaqja e fundit. Pamjet e mëposhtme janë realizuar gjatë momentit të përplasjes së avionit në ujë. (D.D/Shuplaka)
https://www.youtube.com/watch?v=YKZJPTHuaGw
