Forcat RENEA kanë ndërmarrë që prej mëngjesit të sotëm një operacion në zonën e Shijakut, për kapjen e personave me rrezikshmëri të lartë.
Burime bëjnë me dije për Faxweb.al se policia ka rrethuar kompleksin Gold pasi dyshohet për personin e marrë peng në Kamëz, pak ditë më parë, Jak Prenga.
Policia ka dyshime se Prenga është mbajtur në këtë hotel, ku u gjet një armë, ndërsa pronari i tij është shoqëruar në drejtorinë e policisë Tiranë.
Prenga u mor peng pak ditë më parë në qendër të Kamzës, ndërsa policia gjeti pak minuta më pas mjetin e tij të braktisur në vendngjarje, si dhe gjurmë gjaku.
Dëshmitarët në vendngjarje treguan se ai kishte debatuar me dy persona, të cilët ishin të maskuar dhe më pas ishte futur me forcë në makinën e tyre, e cila u gjet e djegur më vonë në afërsi të Fushëkrujës. (Lexo edhe ketu lajmin)
Familjarët e Prengës nuk kanë pranuar që të thonë asgjë pas ngjarjes, ndërkohë që dyshimet janë që ngjarja të ketë ndodhur për konflikte të vjetra të familjes. (Lexo me tej lajmin)
Një prej vëllezërve të tij ishte arrestuar në Angli, ndërsa nuk dihet detaje të mëtejshme rreth krimit që mund të ketë kryer.
(E.K/Faxweb.al)
