Kryetari i Partisë Demokratike, Lulzim Basha ndodhej sot në Kavajë për t’iu bërë thirrje qytetarëve të bashkohen në protestën e 18 shkurtit në Tiranë. Nga Kavaja Basha theksoi se ky qytet vrau frikën dhe u ngrit kundër regjimit komunist.
Në fjalën e tij para qytetarëve ndodhi edhe një incident i vogël. Një militant i ish-kreut të Bashkisë së Kavajës, iu drejtua liderit të opozitës duke thënë: “Shiko se çfarë ka bërë Elvis Roshi”.
Basha mjaftohet me një kthim koke por nuk i kushton rëndësi fjalës së tij, pasi ishin mbështetësit e PD-së që në pamjet filmike duket se e larguan militantin e Roshit. (J.V/Shuplaka)
