Shira të rrëmbyeshëm dhe shtëpi të përmbytura/ Moti i keq “paralizon” Greqinë, shënohet viktima e dytë brenda pak orësh

Vijon moti i keq në Greqi për shkak të stuhisë “Daniel”. Mediat greke raportojnë se është shënuar viktima e dytë në shtetin fqinj.

Siç u bë e ditur pak pas orës 10:30 nga Zjarrfikësja , një 87-vjeçare është gjetur e pajetë në zonën e Paltsit në Magnezi, me informacione se gruaja fatkeqe është gjetur në një grumbull drush. Kjo është viktima e dytë nga moti i keq pasi dje, të martën, një blegtor humbi jetën pasi u përplas nga një mur që tërhiqej nga ujërat e vrullshëm .

Situata mbetet kritike në këtë rajon teksa lumenjtë rrezikojnë të dalin nga shtrati. Reshjet e dendura të shiut kanë përfshirë edhe Evian veriore dhe atë jugore, ndërsa disa përrenj dhe lumenj kanë arritur pikën kritike.

Fshatrat Pili, Agia Anna, Strofilia, Metohi, Spathari në Evia Veriore kanë rregjistruar sasi rekord rreshjesh në vetëm 24 orët e fundit. Shtëpitë janë përmbytur, ndërsa disa rrugë janë mbyllur. Autoritetet i kanë bërë thirrje njerëzve që të pranojnë evakuimin. Autoritetet kanë kufizuar qarkullimin në Volos dhe zonën malore të Pelionit, ku stuhia ka shkaktuar ndërprerje të mëdha të energjisë elektrike.