Reshjet e dendura të shiut këtë të diel kanë shkaktuar një situatë kaotike në qytetin bregdetar të Durrësit.
Si pasojë e tyre, është bërë i pamundur qarkullimi i këmbësorëve dhe i automjeteve. Probleme më të theksuara raportohen në rrugën “Aleksandër Goga”, në shëtitoren “Taulantia”, tek stadiumi.
Sikur të mos mjaftonte kjo, raportohet se kanë shpërthyer ujërat e zeza te stacioni i trenit të këtij qyteti.
Rrugët pranë Bashkisë së Durrësit janë mbuluar nga shiu, ndërkohë që si pasojë e motit të keq, ka pasur vonesa dhe në ankorimin e trageteve në portin e Durrësit. Nuk është hera e parë që Durrësi përmbytet si pasojë e shirave të dendur që përfshijnë këtë qytet.
(XH.A/SHUPLAKA)
