Policia e Lushnjes pas një hetimi një mujor ka finalizuar operacionin e koduar ”Transportuesi”, duke arrestuar dy të rinj në momentin që njëri po i shiste tjetrit një pistoletë. Mesa duket ky nuk ka qenë rasti i parë i këtij trafiku.
Të arrestuarit janë Ardit Bino, 21 vjeç, banues në lagjen “20 Tetori”, Lushnje dhe Alvaro Oruci, 27 vjeç, banues në fshatin Izvor, Tepelenë.
Ata janë kapur në vendin e quajtur lokal “Çollaku” Lushnje, në flagrancë në momentin që Arditi po i shiste Alvaros armën e zjarrit pistoletë tip TT, kundrejt shumës që do të varionte nga 50.000 deri 60.000 lekë të reja.
U sekuestrua në cilësinë e provës materiale arma e zjarrit pistoletë tip TT dhe 2 aparate celulari.
Materialet i kaluan Prokurorisë pranë Gjykatës së Shkallës së Parë Lushnje për veprat penale “Prodhimi dhe mbajtja pa leje e armëve dhe e municionit luftarak” dhe “Trafikim i armëve dhe municioneve”. (E.K/SHUPLAKA)
Discussion about this post