”Blue Panorama”, kompania e fluturimeve që transportonte shqiptarët nga aeroporti ”Nënë Tereza” është shitur.
Kompania është blerë nga ”Uvet Group”, grupi turistik italian, duke i dhënë kështu një tjetër drejtim qëllimit të fluturimeve: të fokusuar te turizmi.
Marrëveshja përfundimtare për blerjen e ”Blue Panorama”-s pritet të nënshkruhet në muajt e vjeshtës. ”Uvet Group” me rreth 2.4 miliardë euro të ardhura në vit do të duhet që tashmë të shohë me kujdes edhe bilancet jotransparente të ”Blue Panorama”-s, e cila vetëm gjatë vitit 2016 transportoi mbi 1.2 milionë pasagjerë.
”Blue Panorama” është përfshirë disa herë në ankesat e pasagjerëve, të cilët janë ankuar për çmimet dhe vonesat. (V.G/SHUPLAKA)
