Policia e Tiranës ka arrestuar 55-vjeçaren që drejtonte mjetin në zonën e “Don Boskos”, ku për shkak se humbi kontrollin përplasi në gjendje të rëndë një fëmijë 6-vjeçar, i cili ishte duke qëndruar te vijat e bardha në trotuar.
Pamjet e aksidentit të rëndë u bënë dje publike nga mediat, dhe ishin mjaft shokuese pasi fëmija i mitur zihet poshtë nga makina, ndërkohë që dhjetra qytetarë shkojnë për të dhënë ndihmën e parë.
Mjeti që drejtohej nga shtetasja A.P në mënyrë të çuditshme ka hyrë në trotuar, në një kohë kur atje kishte mjaft njerëz. Policia është duke vijuar hetimet për zbardhjen e këtij aksidenti të rëndë, ndërsa i mituri ndodhet në spital, duke luftuar për jetën.
Njoftimi i Policisë:
Specialistët e Qarkullimit Rrugor bënë arrestimin në flagrancë të shtetases :
A.P., 55 vjeçe, pasi ditën e djeshme ka aksidentuar fëmijën e mitur me iniciale R. D., 6 vjeç, i cili ndodhet në spital, nën kujdesin e mjekëve ; Materialet i kaluan Prokurorisë së Rrethit Gjyqësor Tiranë, për veprime të mëtejshme.
(E.K/Faxweb.al)
Discussion about this post