Një aksident i rëndë ka ndodhur pak më parë në Korçë ku për pasojë, dy persona kanë humbur jetën.
Fax News raporton se nga aksidenti i rëndë i ndodhur në unazën qytetit, ka humbur jetën babë dhe bijë, të cilët kanë qenë duke ecur në trotuar kur janë përplasur për vdekje nga një automjet.
Të njëjtat burime bëjnë të ditur se ka ndërruar jetë Sokol Hoxhallari, 33 vjeç, si dhe vajza e tij 6-vjeçare me iniciale P.H..
Ndërkohë raportohet se drejtuesit e mjetit përkatësisht Petrit Kupe dhe Laurenc Pallashi janë shoqëruar në polici.
Sipas të dhënave të para, dyshohet e Petrit Kupe ka qenë shkaktari i aksidentit të rëndë me dy viktima, i cili është ish-kryetar i Komunës Libonik.
Paraprakisht dyshohet se aksidenti ka ndodhur nga shpejtësia e lartë e mjetit.
Njoftimi i policisë:
Korçë
Informacion paraprak.
Me datë 18.11.2018, në lagjen Nr 18, në unazën e qytetit, ka ndodhur një aksident ku janë përplasur mjetet tip “Volkswagen” me targa AA837UJ me drejtues shtetasin, P. K, 61 vjeç, banues në fshatin Drithas-Maliq dhe mjeti tip “Benz” me targa AA831AA me drejtues shtetasin L.P, 29 vjeç, banues në fshatin Zerec.
Për pasojë kanë gjetur vdekjen dy këmbësorë në rrugë konkretisht shtetasi S.H, 33 vjeç dhe vajza e tij shtetasja P.H, 6 vjeçe.
Dy drejtuesit e mjeteve, ndodhen të shoqëruar në Komisariat për veprimet e mëtejshme proceduriale.
U ngrit grupi hetimor për të sqaruar rrethanat e ngjarjes.
(B.B/ Faxweb.al)
Discussion about this post