Policia e Sarandës ka arrestuar një 30–vjeçar për shkak se nën efektin e pijeve alkoolike ka shkaktuar aksident dhe më pas është larguar nga vendi i ngjarjes.
Bëhet falë për 30-vjeçarin Florenc Salikon, i cili pranë stadiumit të qytetit të Sarandës me mjetin e tij tip “Opel Meriva” me targë AA 559 GZ, ka humbur kontrollin dhe është përplasur me një pemë dhe me një tabelë të sinjalistikës rrugore.
Menjëherë pas ngjarjes 30-vjeçari është larguar nga vendi i aksidentit.
Nga ky aksident ka mbetur i dëmtuar 32-vjeçari me iniciale D.R, i cili ishte pasagjer në këtë mjet.
32-vjeçari ndodhet në spital jashtë rrezikut për jetën.
Mbi 30-vjeçarin rëndojnë veprat prenale “Largimi nga vendi i aksidentit”, “Shkelja e rregullave të qarkullimit rrugor” dhe “Drejtimi i automjetit në mënyrë të parregullt”.
Discussion about this post