Situata e përmbytjeve në Njësinë Administrative Ana e Malit në Bashkinë e Shkodrës, si pasojë e shkarkimeve të hidrocentraleve, vijon të jetë e pandryshuar. Sipas raportimeve nga terreni, ditën e sotme bëhet e ditur se janë ende nën pushtetin e ujit 3 fshatra: Obot, Muriqa dhe Oblikë.
Gjithashtu dëmi në të mbjella vlerësohet si i lartë pasi rreth 320 ha me kultura bujqësore janë shkatërruar tërësisht dhe janë të përmbytura.
Ndërkohë, shkarkimet nga hidrocentrali i Vau- Dejësit vazhdojnë. Sipas raportit zyrtar, i datës 8 shkurt 2018, 5 agregatet punojnë me kapacitet të plotë dhe vijojnë shkarkimet nga porta me 300 m3/ sek. Bashkia e Shkodrës vijon orë pas ore monitorimin e situatës në terren.
Fshatrat e përmbytur:
Fshati Obot 70 Ha
Fshati Muriqan 200 Ha
Fshati Oblikë 180 Ha
Sipërfaqet e përmbytura në kulturë bujqësore:
Jonxhe 280 Ha
Kultura të dyta foragjere 30 Ha
Grurë 5 Ha
Sipërfaqe sera 1 Ha
Bimë dekorative 4 Ha
Tokë e pakultivuar 130 Ha
