Deputetja socialiste Ermonela Felaj njëherazi kryetare e Komisionit të Sigurisë, është zëri i parë zyrtar që reagon nga selia rozë pas shkarkimit të drejtorit të policisë Haki Çako.
Në një prononcim për mediat, Felaj ka thënë se kjo ishte një lëvizje e pritshme.
Sipas saj Policisë së Shtetit i duhet një impuls i ri për të luftuar krimin.
“Lëvizjet i kam parë pozitivisht, është e nevojshme kur një kuadër ka një kohë të arsyeshme në detyrë, për t’u dhënë mundësi edhe njerëzve të tjerë për të treguar aftësitë e tyre. Në ministrinë e Brendshme ka pasur disa ndryshime, që besoj në mënyrë logjike do të mbërrinin edhe te drejtori. Ka një qasje të ndryshme, pasi edhe lidershipi i ministrisë ka ndryshuar.” – u shpreh Felaj.
(F.G/Faxweb)
