Në mbledhjen e Komisiont parlamentar të Integrimit Europian, po zhvillohen diskutime mbi procesin e integrimit si dhe për shkarkimet masive të diplomatëve që janë bërë nga ana e Ministrisë për Europën dhe Punët e Jashtme.
Sa i përket hapjes së negociatave në qershor, ministri në detyrë, Gent Cakaj deklaroi se është dorëzuar pranë komisionit raporti mbi dhe në fillimin e verës së ardhshme sipas tij pritet një rekomandim pozitiv nga ana e Bashkimit Europian, duke argumentuar gjithashtu angazhimin për të bindur vendet që kanë patur qëndrime skeptike.
“Kemi dorëzuar prane Komisionit raportin dhe presim një rekomandim pozitiv në qershor. Angazhimi i dialogut politik është që të bindim shtetet që kanë pasur qëndrim skeptic ndaj procesit integrues të Shqipërisë. Ne si qeveri kemi përmbëshur edhe detyrimet që vijneë nga asocimi”, u shpreh Cakaj.
Gjatë punimeve të Komisionit deputetja Rudina Hajdari ka kërkuar nga Cakaj shpjegime mbi shkarkimet e 20 punonjësve në trupën diplomatike.
“Në cilësinë e ministrit ne detyrë, ju jeni shprehur që do shkarkoni 20 punonjës me argumentin se nuk plotësojnë kriteret. Ndërkohë nuk është publikuar asnjë vendim i justifikuar për të treguar se përse i keni bërë këto shkarkime. E para sepse duke cënuar të drejtën e punës, dobësohet cilësinë. Cënon shërbimin diplomatik në Shqipëri. Ministri Bushati thotë që forcuam meritokracinë, mbi bazën e aftësive”, deklaroi Hajdari.
Ndërkohë Cakaj u përgjigj:
“Unë them që një pjesë të punonjësve do të transferohen dhe një pjese do lëvizin nga puna. Ju jeni një opozitare konstruktivedhe duhet të jeni e lumtur që po fillon një reformë në shërbimin diplomatic. Ose emërimet janë tepër të vjetra ose nuk janë në lartësinë e duhur. Bushati ka bërë një punë të jashtëzakonshme”.
(F.GJ/FAXWEB.AL)
Discussion about this post