Kryetari i lëvizjes “Zgjidhja”, Koço Kokëdhima, në emisionin “Të Paekspozuarit” me gazetarin Ylli Rakipi ka folur për qëndrimin që do të mbajë pas sulmeve që po i bëhen mbështetësve të tij nga kreu i PS.
Duke u fokusuar te shkarkimi i Sadrit Danaj, Kokëdhima tha se votimi ndaj tij ishte i manipuluar dhe tërësisht i kontrolluar.
“Tashmë situata e krijuar në PS nuk ka lidhje me bazën. Shkarkimi i kreut të Qarkut të Vlorës nuk është diçka normale. Iu dha justifikimi se ke humbur besimin e partisë. Kjo nuk ka lidhje as me ligjin e as me besimin, në mënyrë që të merret një mocion mosbesimi. Danaj është një njëri i biznesit, është i suksesshëm, është edhe një njeri familjar shumë i mirë. Por ai votimi aty është shumë me rëndësi. Ai është një votim tërësisht i manipuluar. Nuk po them për një votë që është flagrante në media, por për të gjitha votat. Të gjithë ata njerëz janë marrë përdhunisht dhe u është thënë të bëjnë shenja të ndryshme votimi, kush me rreth, kush katror, kush me thonjëza. Pra vota ishte e kontrolluar.”, tha Kokëdhima. (J.V/Shuplaka)
Discussion about this post