I ftuar në emisionin “Fakt” në Syri.net, kryetari i Partisë Demokratike ka folur edhe për lëvizjet e fundit në media dhe shkarkimin e ish-drejtorit të ABC News, Armand Shkullaku.
Sipas Bashës, kjo gjë ndodh për shkak se pas 5 muajsh Shqipëria do të shkojë në zgjedhje.
“Nuk është e rastësishme që ndodh tani, ndodh 5 muaj para zgjedhjeve, gjithçka është në funksion të kapjes dhe të prishjes së zgjedhjeve të ardhshme, në mënyrë që në zgjedhjet e ardhshme të mos vendosin qytetarët në bazë të fakteve, në bazë të të vërtetave, në bazë të platformave, por gjithçka të jetë në duart e kësaj kaste, politikanë, të korruptuar, jokonkurrues, ku nuk kanë çfarë ti ofrojnë qytetarëve, biznesmenë që nuk prodhojnë gjë, jetojnë me paratë e shqiptarëve, me tendera, me koncesione, me leje ndërtimi dhe një grusht mediash që janë në shërbim të këtij realiteti”, tha Basha. (A.R/SHUPLAKA)
Discussion about this post