Pas lajmit për shkarkimin nga puna të muzikantit dhe kompozitorit të vjetër në karrierë David Tukiçi nga RTSH, reagon Arben Skënderi, drejtues i departamentit të kulturës rinisë dhe sporteve në PD.
Skënderi sulmon ashpër drejtuesin e RTSH-së Thoma Gëllçi, të cilin e quan profane me detyrë partie.
“Dhe ja, sot, Thoma Gellqi një profan me detyrë partie i cili me metodat e komitetit qëndror të partise së punës guxon dhe pret në mes rrugtimin e një tradite të tërë pa u shqetësuar fare për dëmet që po i bën institucionit që është mandatuar të drejtojë.”, reagon Skënderi.
Sipas drejtuesit të departamentit të kulturës në PD, shkarkimi i muzikantit të njohur ka prapavijë politike, të cilën premton se do ta zbulojë gjatë ditëve në vijim.
REAGIMI I PLOTË
Arben Skenderi: Edhe David Tukiçin e zuri lapsi i profanit të tvsh-së
Ditën e sotme, musikanti i njohur David Tukiçi, kompozitor, pianist dhe dirigjent me nje karriere personale që shumë kush do ja kish zili, hidhet në rrugë nga drejtori i Rtsh-së pa asnje shpjegim e duke mos merituar as një takim në zyrën e tij.
Një muzikant i cili la vulën e tij profesionale në drejtimin artistik të orkestrës së radio Televizionit Shqiptar duke u përkushtuar me aq pasion e ndershmëri e duke gëzuar respektin e gjithë kolegëve dhe publikut.
Por David Tukiçi nuk është vetëm një muzikant i shkëlqyer, është dhe nje emër i madh familjar në artin e kultivuar të këtij vendi. Pak, shumë pak, me gishtat e dorës numërohen familjet e atyre njerëzve që kontribuan me gjith qenien e tyre që ne sot të kemi një traditë tonën në muzikën e kultivuar, dhe një nga këto është familja Tukiçi.
Dhe ja, sot, Thoma Gellqi një profan me detyrë partie i cili me metodat e komitetit qëndror të partise së punës guxon dhe pret në mes rrugtimin e një tradite të tërë pa u shqetësuar fare për dëmet që po i bën institucionit që është mandatuar të drejtojë.
Një tjeter familje e njohur u godit po sot, familja Kovaçi. E bija e artistit të madh Ramiz Kovaçi, një nga themeluesit e TOB. Rajna Kovaçi u pushua nga puna gjithashtu nga i njëjti profan që nuk ka as guximin të përballet me vendimet që merr.
Por shkarrkimi i David Tukiçit ka një prapavijë tjetër të cilën do e bejmë publike në ditët në vijim.
Arben Skenderi
Drejtues i departamentit te kultures rinise dhe sporteve ne PD
Discussion about this post