Ish-drejtori i ABC News, Armand Shkullaku ka sulmuar nga studio e emisionit “Opinion” kryeministrin Edi Rama dhe kryetarin e Bashkisë së Tiranës Erion Veliaj.
“Propagandë të Koresë së Veriut” e ka quajtur Shkullaku servirjen e pamjeve të gatshme nga Bashkia Tiranë dhe zyra e Kryeministrisë.
“Bashkia, Kryeministri xhiron me dron me kamera HD, mobilizon ekipe të tëra dhe ajo servilet e gatshme. Kemi parë Kryeministrin që mban monolog në Facebook. Është stil komunikimi e kohës sa Mao Ce Dunit. Ne jemi fiks sot në kohën e propangasës së Koresë së Veriut”, tha Armand Shkullaku.
Armand Shkullaku është larguar nga drejtimi i televizionit informativ ABC News dhe këtë e ka bërë të ditur në një intervistë për “Mapo”-n.
“Pas katër viteve të vështira por edhe të bukura në rindërtimin dhe konsolidimin e këtij televizioni informativ, erdhi dhe momenti që në fakt, ne gazetarët, e kemi gjithnjë të pritshëm, ai kur një projekt ndërpritet apo përfundon. Vendimi për të lënë AbcNews nuk ishte një zgjedhje e imja. Pronari i grupit mediatik për të cilin unë punoj, gjykoi se në këtë periudhë televizionit i duhet një qasje e re, menaxhariale dhe editoriale, dhe kështu kontrata ime 4-vjeçare me AbcNews quhet e përfunduar këtu. Nuk do të kem një kontratë të re me këtë televizion”, është shprehur ndër të tjera Shkullaku. (A.R/SHUPLAKA)
Discussion about this post