Tre drejtorët e Autoritetit Kombetar te Ushqimit në Tiranë, Durrës dhe Korçë janë shkarkuar nga detyra gjatë ditës së sotme.
Bëhet me dije se tre drejtorët e shkarkuar janë: Merita Mëçalla, Tiranë, Algert Mehalla, Korçë dhe Martin Jorgaqi, Durrës.
Mësohet se motivacioni i shkarkimit të tyre ka të bëjë me mospërmbushjen e detyrave të lëna.
Ndërkohë dy ditë më parë Kryeministri Rama ka deklaruar se do të ashpërsohen masat për të gjithë ata që do të cënojnë sigurinë ushqimore.
‘’Do shkojnë deri në 15 vjet burg. Kush merr përsipër të prodhojë, eksportojë dhe importojë ushqim duhet ta dijë se po futet në një sektor me detyrimin për të mos cenuar shëndetin e konsumatorit”, u shpreh Rama.
Rama u shpreh se duhet të shmanget paniku në radhët e qytetarëve, pasi nga kjo cënohet prodhimi vendas (lexo këtu).
Pas rasteve skandaloze të denoncuara në disa emisione televizive lidhur me sigurinë ushqimore, ka reaguar edhe Ministria e Bujqësisë dhe Zhvillimit Rural e cila u shpreh se nuk ka vend për alarm (lexo ketu).
Kamera e emisionit “STOP” ka filmuar, sesi shiten produktet e importit, jashtë çdo kushti sigurie. Në bazë të ligjit çdo produkt që vjen nga jashtë, duhet të ketë një etiketë në gjuhën shqipe, ku të shkruhen, që nga karakteristikat, kushtet e ruajtjes, afatet dhe përbërja. Por në shumë raste, një gjë e tillë nuk ndodh (lexo ketu).
Rasti në fjalë hapi debate të gjëra gjë e cila mund të ketë çuar edhe në shkakrimin e tre drejtorëve rajonal të UKU-së.
(F.GJ/FAXWEB.AL)
Discussion about this post