Pak ditë para fushatës për zgjedhjet lokale të 30 Qershorit, duket se disa drejtori të rëndëishme lokale në vend po pësojnë ndryshime në nivelet drejtuese.
Së fundi në Durrës Faxweb.al mëson se është emëruar drejtoresha e re e DAR (Drejtorisë Arsimore Rajonale) Valentina Leka, e cila do të zëvendësojë Lindita Mukajn. Kjo e fundit është përballur me disa akuza për akte korruptive gjatë ushtrimit të detyrës së saj. Ajo është akuzuar vazhdimisht dhe nga ish-kryeministri Sali Berisha se ka bërë fushatë për PS-në edhe në zgjedhjet lokale të 2017-tës.
Shkarkimi i Mukajt është kryer që në muajin Mars, pas një inspektimi të zëvendëskryeministrit Erion Braçe në qytetin e Durrësit, dhe duket se qeveria ka marrë 2 muaj kohë për të gjetur një emër zëvendësues për të.
Valentina Leka, e sapoemëruar, ka mbajtur për një muaj postin e drejtoreshës në shkollën ‘’Dhaskal Todri” në qytetin e Elbasanit, si dhe ka qenë disa vite mësuese po në këtë gjimnaz. Duket se ngjitja e shkallëve për Lekën nga mësuese në drejtoreshë shkolle dhe më pas drejtuese e DAR, ka qenë shumë i shpejtë.
(E.K/Faxweb.al)
Discussion about this post