Shkarkohet drejtoresha e Radio Televizionit të Gjirokastrës

Drejtori i Përgjithshëm i RTSH-së Thoma Gëllçi, ka shkarkuar sot nga detyra drejtoreshën e Radio Televizionit të Gjirokastrës, Albana Allushin.

Ky vendim vjen pas një vëzhgimi të të Bordit të Monitorimit të Mediave, ku thuhet që RTV Gjirokastra, ka shkelur dispozitat e Kodit Zgjedhor për kohën e dhënë subjekteve zgjedhore. Kjo sepse sipas këtij vëzhgimi, PD-së i janë dhënë zero minuta kohë transmetimi, ndryshe nga çfarë është bërë em PS-në dhe LSI-në.

Bordi i Monitorimit të mediave, i kërkon RTV Gjirokastrës që të balancojë brenda 48 orëve kohën në dispozicion të subjekteve zgjedhore, PD dhe PS, të cilat duhet të kenë dyfishin e kohës në krahasim me partitë e tjera, të cilat janë me deri në 20% përfaqësim në Kuvendin e Shqipërisë. (D.D/Shuplaka)