Vijon furtuna në administratë. Ditën e sotme është shkarkuar Drejtori i Postës në Vlorë. Kreshnik Zijai mësohet se është një nga drejtorët e propozuar nga LSI-ja.
Sipas shkresës zyrtare të lëshuar nga drejtori i ri i komanduar i Postës Shqiptare, Vangjush Andoni, Zijai është shkarkuar pas disa shkeljeve të konstatuara nga një audit i bërë disa muaj më parë.
Duke folur për “Report Tv”, Zijai ka sqaruar se ende nuk është njohur me motivacionin e shkarkimit të tij.
Pak ditë më parë një tjetër shkarkim i bujshëm erdhi në rradhët e postë. Drejtori i përgjithshëm Majlind Lazimi u pezullua nga puna dhe ndaj tij nisi dhe një kallzim penal për shkak se ishte përfshirë në fushatë. Vetë ai u shpreh i indinjuar nga ky vendim, që sipas tij ishte politik dhe joligjor. (E.K/SHUPLAKA)
